碰到不少讀緊或讀過GE嘅學生，有d學生嘅心態係想攞高GPA所以會盡揀自己讀過或同主科相似的GE科黎讀；有d就因為種種原因被迫而上，咁自然佢地淨係想pass，唔會有太大興趣上果科GE。好唔好彩，好多時老師要面對後一類的學生為大多數，花心思去提高佢地學習動機真要花不少心機。
宜家教書講緊唔係只係傳授知識咁簡單，有說法主張老師與同學要視對方為learning partners，咁樣學習才最有效，所以有老師稱自己為facilitator或collaborator，如果係咁嘅話，設計GE課程甚致其他課程時係咪要做d研究關於d partners即是學生們呢？想法有d斐而所思，因為傳统黎講學生去到學校學d乜完全冇話事權架嘛。
最近智經研究中心 (Bauhinia Foundation Research Center) 向一千多位16至35歲嘅香港市民做咗一個叫「年青人多樣化」的調查，結果在「個人抱負:十年目標」一項中，只有15.4%人選擇「貢獻社會」為目標，1.2%選擇「到內地生活」，在「工作期望:理想工作條件」一項中，最少受訪者將「 能增進對中國內地的視野」及「能擴闊國際視野」視為好工作的條件。大件事！佢地不放在眼內的東西就是學校想要佢地識或做的東西！唔怪得當學校期望佢地畢業之後要貢獻社會，佢地會聽到訓教啦！每間大學甚至新高中嘅通識，一定會涉及中國國情及國際視野，但係原來佢地唔太care！最擔心嘅係近半數受訪者考慮未來10年移居其他城市，其中84%是為了追求較佳生活質素！我未知果一千受訪者嘅詳細教育背景，但呢個調查係咪要提醒我地要在課程設計上，尤其在通識科目，要反思一下what the students want呢?
Krates' Blog 