成日都聽到身邊嘅人講話：「出咗新model，一定要換機啦！」機可以係指任何gadgets，例如手機、相機、電腦…等。鼓勵消費，係推動經濟方法之一，如果冇人買新產品，公司就冇R&D經費去開發更多更新、更好的產品，呢個係ecology，冇法改變，所以對有d勁有米人仕，我一定鼓勵佢買新產品，促進經濟同埋可以借比我玩吓嘛 🙂 。當然呢類人我識得唔多啦，我識嘅大部份都係一d收入有限嘅業餘人仕，budget有限，有時要節衣縮食添，佢地黎問我好唔好upgrade或買新model，有時間我都會講吓我呢個親身經歴比佢地聽吓：
我喺英國做研究，同一棟大廈隨時有成50人同我一樣讀緊MPhil或PhD嘅Part-Time or Full-Time嘅研究生，佢地黎自世界各地，真係成個聯合國咁，有黎自土耳其、伊朗、馬來西亞、新加坡、約旦、中國內地及英國本地等，各有各的研究題目，呢樣野就係去外國讀書嘅好處，各國風土人情及宗教都有少少認識，例如土耳其人係好有善，有困難佢地會盡幫你，伊朗人亦都非常有善，佢仲話畢業去伊朗玩包食宿添，因為佢地，我對回教有皮毛認識，例如佢地要定時向聖城方向脆拜、齋戒月是什麽等。我研究的題目是computer graphics /animation, 需要特別的電腦，當時只有一間叫SGI (Silicon Graphics)公司做嘅電腦先可以應付到，你可以想像一部機係超貴，個Lab.只係得兩部，要輪流用，有d研究生就揀半夜先番Lab.做野，但唔保証冇人用緊部機架 (人不在，電腦仲可以好勤力地計緊數)，但係deadline到時爭機情況就會出現，有人選擇投訴甚至霸機，但有位內地研究生老孫就唔同人爭，佢只用幾部已經差不多退役的Apollo Domain Workstation，開一個Window要用十幾分鐘龜速嘅古董佢點用到呢？老孫一早番黎run佢個program，隔一兩日番黎睇吓個results，跟著改下個program再比幾部機run，隔一兩日又番黎睇下新results，如是者三年就攪掂咗PhD (三年是非常快，好少人可以咁快) 同有兩、三份paper出添！果d投訴同霸機嘅、同老孫差不多同期開始嘅研究生一聽到老孫攪掂咗都好驚訝！因為好多人都未見過老孫真人十次！老孫啓發我「食腦大於一切」，我好快改變策略，用我自己部486PC! 記住當時連Nvidia (GeForce顯示卡)都未出世啊！只要時間安排得好，我仲可以有正常社交生活，結果我都係用老孫差不多時間攪掂，最奇怪那批對老孫驚訝的研究生對我同樣驚訝！
第時出黎做野老孫呢類員工一定喺老闆至愛！所以你投資硬件時要諗清楚：有好硬件做出好東西是應該的，沒有好硬件都做出好東西才應是目標！不要沉迷買勁硬件！(我唔係反對買好硬件，只不過我覺得軟實力更重要。)
Krates' Blog 