我相信冇正常人係喜歡等人嘅，最近有機會同一d八十、九十後出街聯誼一吓，當然準時到達相約地點的是很少數，早到更家不可能。遲到的時間最低消費15分鐘，最長達一個小時！遲到嘅藉口來來去去都係果d，都無謂提，我相信遲起牀佔>90%的真正原因。致於歉意方面，當中亦有d一句sorry也欠奉的。亦試過有d活動plan咗上午進行(其實都只係10點)，黎到d人一個又話未食早餐，一個又話要買呢樣個樣先可以開始得，結果攪得黎都已經中午先出發。想話利用新科技約人活動啦，原來在Facebook開個event，d人按attending係未必嚟架，我唔知呢個係人嘅問題，或者其實係唔應該對Facebook嘅野太認真呢？
科技實在太方便啦，好多野都變得好即興、随意，少了些計劃及準備，宜家約人都會用手機話「到咗咐近就打比你啦」、「出到嚟再上網揾去邊道食野」、「上網用Google Map揾咪得咯，唔駛預先睇地圖嘅」… 我反而懷念以前人與人之間的承諾及好好的預備功夫。
專欄作家「遊清源」話可以由遲到的時間分辨出你喺邊一代人:
- 八十後: 遲到了三十分鐘，但竟然既沒有說半句「鎖你」，八十後根本不會當遲到三十分鐘是遲到。
- 七十後: 一般都會遲五至十分鐘。
- 六十後: 大部分六十後基本上都是準時的，即是正負大約兩三分鐘。
- 五十後: 起碼會早到十五分鐘，然後打電話給你，問你為何仍未到？
- 五十前: 更會早到起碼半個鐘頭，隨即打電話責怪你為何遲到？等到你趕來，即使早到十分鐘，他們仍會反覆說，已經等了你半個鐘。
Krates' Blog 