每年TVB到呢個時侯一定會推大制作去賀台慶，今年就係由巾幗梟雄之義海豪情作為慶祝TVB 43歲的高潮。大制作有大卡士同黄金幕後班底，演出同故事都頗感人，儘管同葉問手法同用民族情仇，比翡翠台其他劇集係超班架喇。不過有D野佢地成日唔認真去做，就係佢地拍醫院戲D道具都好求其，由我讀書時到呢套義海豪情大製作都係咁，無論時裝或古裝劇，心跳監測器成日求其用個示波器(CRO)充，記得早期無綫劇仁心仁術D醫生係戴屋企洗碗用嘅膠手套做手術添！雖然知道你無可能好似美劇E.R.或House咁用咁大budget，但係都認真小小呀，大陸劇製作都愈黎愈認真，香港電視觀眾又愈來愈少，再唔認真D嘅話，香港觀眾放棄你，賣外埠又冇人要就慘啦。
Krates' Blog 