究竟有乜野會推動人去做野呢? 我諗天下間所有老闆管理人都想知點樣可以激勵同事下屬去做事做得好更有創意？ 一般人都認為用賞罰方法 “Carrot and Stick” 去管理d人做野咪有效率多d囉？究竟係咪呢? 作者 Daniel Pink (上一本書A Whole New Mind 賣過滿堂紅) 發掘咗d實驗數據証明係唔會嘅，有d情況仲會相反添，即係賞罰方法會令人做野會差咗，冇咁creative！係咪難以置信呢? 作者指出如果工作係完全唔駛用腦，Carrot and Stick係會work嘅，但係只要工作需要少少用腦，呢個方法都唔掂。佢認為要激勵員工有好點子，要給予他們3樣野，呢d作者叫Motivation 2.0：
- Autonomy: 比員工多d自已話示權，例如Google員工可以用20%工作時間開發自己喜歡的題目，結果員工用咗呢d時間為Google推出好多極有創意嘅產品(例如GMail)。
- Mastery: 員工希望自己所做的工作做得更好，有乜工作會驅使呢樣野發生？就係工作要有趣同有滿足感，舉例Wikipedia，d內容全部都由自願者part-time免費提供，十年前你一定話呢個idea摺得，但係Wiki打到Microsoft摺咗個Encarta百科全書。
- Purpose: 讓員工見到big picture，知道自己嘅工作有意義，會改變世界變得更好，唔係淨係為賺更多嘅財富，例如Steve Jobs嘅Apple咁。
現今社會要求公司有創意，老闆要諗吓用以上方法去motivate員工。唔想花錢買呢本書睇？睇下呢條用animation表達得清唔清楚。
(有人問，咁錢咪唔重要? 錯，如果你出手太低，咁即係剝削員工，員工唔會留得耐)
Krates' Blog 