政府宣佈從由今年一月開始香港有九成地區可以接收到數碼高清電視訊號，在2010年9月的一個調查發現大概只有6成家庭(大概1.4m家庭)收看高清電視，比同年6月上升只是7.7%，似乎慢咗d喎。新聞訪問咗位亞洲高清協會李主席，佢建議政府資助市民更換數碼電視機，嘩！立稅人d錢唔係咁用呀嘛，你維護賣AV商人利益都出哂面喎，你不如話學內地咁整番個「高清下鄉」計劃，或者高明少少攪個買高清電視可以claim稅計劃！歸根究底都係因為無乜contents係太值得叫人轉高清，新聞訪問d市民都話睇吓新聞、劇集唔駛高清quality，況且呢位李主席都話啦，年青人少睇電視，呢個咪問題囉，當全世界嘅大制作都可以任何時間、任何地方在網上睇到，我識好多人追美劇(因為三色台d制作差)，當最新一集剛在美國播完，幾個鐘頭內網上就可以睇到(非法與否就不得而知)，唔駛好似焗你係明珠台睇一、兩年前嘅舊貨。
有好嘅infrastructure是要同人競爭的基本條件，但係軟件同樣或更重要，香港電視業的畸形生態已經為人病垢好耐 (呢個係另一個topic)。其實唔好再迷戀什麽傳统電視模式啦，mobile internet, internet of things…等等，什麽4G, 5G…etc. 呢d先係未來發展方向呀，快d啦，唔好好似攪數碼電台咁，攪得黎都冇哂聽眾… 😦
Krates' Blog 