某日食飯聽到隔離枱阿媽同個女講咗以上一句，我諗佢想指比囡囡睇”these are dumplings.” 首先講我唔係取笑人，我自己講英文都冇所謂Queen’s accent，只操半英半美式加港式口音，令我關心呢件事係因為教育問題，如果家長父母發音不準(同口音accent係兩件事)，係咪唔應該教壞細路只用番廣東話教仔女？不過好可能父母d廣東話都唔係咁正统架喎，因為以前讀書邊有正式教粵語正音架，咁點算呀？語文水準真係一個頭痛問題，好嘅可以令人地以為佢喺外國番黎，差嘅連講或寫一句完整句子都有問題，中游的似乎消失哂，我試過等巴士見過一個外國家庭向一個中學生問路，我估佢都係中四、五，只係一未擰頭，周圍d學生已徑開始向後移，問路啫，駛唔駛咁驚呀，香港d英文教育真係咁唔掂？又好似係，最近廣州亞運單車選手勝出賽後被英文台訪問對大師兄阿宝的感受，她說： “no him and then no me.” 我諗佢想講「冇佢就冇我」。當咗老師咁耐，改卷都見到唔少經典，例如「開電腦」寫成 “open the computer”等。考試局每年都會測試中小學生中英數的水準(TSA)，結果係愈讀愈差，真令人擔憂！有人話比仔女去外國浸吓咸水學好d英文，哈，真係唔好諗得咁理想，家陣好多地方財赤要cut教育撥款，大學為咗生存要狂收海外生賺外滙，仔女去到分分鐘班入面有9成係亞洲人，學成返香港可能客家話講得仲好過英文添！ 😐
學外語真係冇乜捷踁，多讀：睇多d報紙雜誌；多聽：聽新聞、睇戲及電視劇集，開始時睇subtitle會有幫助；多講：一定要同local講多d，認識吓佢地文化，香港教嘅係text book野，一般生活對話係唔會咁formal。有時環境會逼你學得快d，例如周圍冇華人，你侷住要講外語啦！但係諗吓邊道會冇華人架？而家係温哥華周街d人都係講國語！
Krates' Blog 